1_ - بالنسبة لعموم المواطنين المغاربة حتى واحد مايمكن ليه يغادر البلاد إلا إذا كانت عندو رخص اسثنائية مقدمة من الجهات المختصة، مثل الطلبة حديثي التسجيل في معاهد وجامعات أجنبية يعنى inscription . أو شي ورقة ديال المستشفى بالنسبة للمرضى الراغبين في الإستشفاء بالخارج ...وأخيرا هادوك الناس مالين الفلوس (التبزنيز) ... يعنى رجال المال والأعمال...
2_ التنقل لغرض السياحة ممنوع لا بالنسبة للأجانب لي غادين يجيو لأحسن بلد فالعالم ولا السياح المغاربة الذي أنعم عليهم الله بقضاء العطل الشتوية والصيفية في أوروبا ...
3_الناس لي باغيين يجيو فالسماااا يعني جواً فالطيارة عندهم إختيار بين الخطوط الملكية المغربية والعربية للطيران فقط ..
وهادوك لي باغيين يدخلوا المغرب بحراً حتى هوما عندهم إختيار بين ميناء جينوا بإيطاليا أو ميناء سيت بفرنسا.....
أخيراً ..هاد الشروط كاملة وخاصك قبل تقطع التذاكر عند جوج ديال الشركات فقط وقبل 15يوم ديال وعاد التحضير والإختبار ديال كورونا والإنتظار والتذكرة دهاب وإياب وزييييد وزيييييد ...
شخصيا مافهمتش علاش تفتحات أصلاً هاد الحدود بما أن الجالية ممنوعة والسياح ممنوعين هذا ليس له إلا معنى واحد حسب رأيي وتفكيري الخبيث وهو أن هاد الإجراءات كلها دارت فقط لأصحاب المال والأعمال ومالين الشكارة ...أما المواطن البسيط لي كيتسنى الإقتصاد يتنعش فهاد الصيف بعد الجائحة فلله الأمر من قبل ومن بعد .....وماكاين ما ولكن .....
تعليقات
إرسال تعليق